إمسك الخشب

[shikomafia]

‍امسك الخشب




السبب فى كتابة هذه الرسالة انى كنت فى حوار مع زميلة انجليزية وبعدين باقول
لها : الشغل هادى ‏النهارده قالت لى :
تاتش وود ( امسك الخشب ) وطبعا العبارة دى هم ‏بيرددوها كتير زينا بس هى
سألتنى: انتم عندكم اكيد بتقولوا حاجه ‏بدلها قلت لها: لأ..بنقولها هى هى قالت
لى : بتقولوا امسك الخشب برضه ‏؟ قلت لها: آه ‏قالت: المسلمين بيقولوا ( امسك ا
لخشب)؟؟؟؟ ‏معقوله؟؟؟؟ استغربت انها مستغربة أوى كده...ا
‏قالت لى: أصل الخشب ده المقصود ‏بيه الصليب..خشب الصليب...

‏كانت اول مرة اعرف المعلومة دى فحبيت انقلها لكم ‏لو ماكنتوش عارفينها..وبرجاء
نشرها..علشان اللى مش عارف يعرف بدل ما احنا طول ‏النهار عمالين نغنى :
‏امسكوا الخشب يا حبايب..امسكوا الخشب ...‏لاحسن ‏نتحسد يا حبايب...امسكوا الخشب
...‏ويا ريت نعرف أصل كل حاجه ‏بنقولها...بدل ما احنا كده بنردد تراث الغير

ملحوظة :

فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد
فهذا مخالف لعقيدة المسلمين الصحيحة لأنه لا يحمي الإنسان إلا الله ولا يمنع
الضر إلا الله ولا ينفع إلا الله فإي شيئ مادي أو غيبي ( سوى الله ) يتم
الاستغاثة به كخشب أو حجاب أو تعليق كف أو حدوة حصان أو الاحتماء بقبر أحد
الصالحين ، كل هذا يعتبر من الشركيات اي من يقولها يشرك بالله العظيم
والعياذ بالله.

فالأَوْلى الاستغاثة والاستعاذة بالله حيث قال ' فالله خيرٌ حافظاً وهو
أرحم الراحمين"


أرجوكم لا تمسكو الخشب

[Fadi.M]

شكراا يا شيكووو علي المعلومة
وفي الفااظ كتير غيرها تخالف اعقيده
شكرااا ليك

[mido_mervy]

شكرا ياشيكو عالمعلومة الجميلة دى
بس اعتقد النية هنا تختلف
هما بيقولوها لعقيدتهم
واحنا بنقولها علشان انت عارف طبعا للحسد
تحياااتى

[نونا باشا]

اممممممممممممممممممممممممممممم
شكرا كتير على المعلومة المهمة دى

[القرصان جاك]

شكرا بس لو من دون علم الشخص الذى لا يعرف هذه المعلومه فهو مبيشلش ذنب صح